ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾದ ಗೌರ್ನರ್ ಶಕ್ತಿಕಾಂತ್ ದಾಸ್ ಶುಕ್ರವಾರ ಪತ್ರಿಕಾಗೋಷ್ಠಿ ನಡೆಸಿ, ವಿವಿಧ ಘೋಷಣೆ, ಕ್ರಮಗಳ ಬಗ್ಗೆ ಮಾಹಿತಿ ನೀಡಿದರು. ಕೊರೊನಾದ ಹಿನ್ನೆಲೆಯಲ್ಲಿ ಸಂಕಷ್ಟದಲ್ಲಿರುವ ಜನರು ಮತ್ತು ದೇಶದ ಆರ್ಥಿಕತೆ ಕುರಿತಾಗಿ ಅವರ ಪತ್ರಿಕಾಗೋಷ್ಠಿಯಲ್ಲಿ ಪ್ರಸ್ತಾವವಾದ ಪ್ರಮುಖಾಂಶಗಳ ವಿವರ ಹೀಗಿವೆ.
* ರೆಪೋ ದರ (ವಾಣಿಜ್ಯ ಬ್ಯಾಂಕ್ ಗಳು ರಿಸರ್ವ್ ಬ್ಯಾಂಕ್ ನಿಂದ ಪಡೆದ ಸಾಲಕ್ಕೆ ನೀಡುವ ಬಡ್ಡಿ ದರ ನಿರ್ಧಾರ ಆಗುವುದು ರೆಪೋ ದರದ ಮೇಲೆ) 40 ಬೇಸಿಸ್ ಪಾಯಿಂಟ್ ಕಡಿತ ಮಾಡಿದ್ದು, 4.4 ಪರ್ಸೆಂಟ್ ನಿಂದ 4 ಪರ್ಸೆಂಟ್ ಗೆ ಇಳಿಕೆ.
EMI ಪಾವತಿಯಿಂದ ಮತ್ತೆ 3 ತಿಂಗಳು ವಿನಾಯಿತಿ ನೀಡಿದ RBI
* ರಿವರ್ಸ್ ರೆಪೋ ದರ (ವಾಣಿಜ್ಯ ಬ್ಯಾಂಕ್ ಗಳಿಂದ ರಿಸರ್ವ್ ಬ್ಯಾಂಕ್ ಪಡೆದ ಮೊತ್ತಕ್ಕೆ ನೀಡುವ ಬಡ್ಡಿ) 3.35 ಪರ್ಸೆಂಟ್ ಗೆ ಇಳಿಕೆ.
* ವಿವಿಧ ಅವಧಿಯ ಸಾಲಗಳ ಮೇಲಿನ ಇಎಂಐ ಪಾವತಿಗೆ ಮತ್ತೆ ಮೂರು ತಿಂಗಳು, ಆಗಸ್ಟ್ 31ರ ತನಕ ವಿನಾಯಿತಿ.
* ಭಾರತದ ಜಿಡಿಪಿಗೆ ದೊಡ್ಡ ಮಟ್ಟದ ಹೊಡೆತ ಬೀಳಬಹುದು. ಆರ್ಥಿಕ ವರ್ಷ 2021ಕ್ಕೆ ನೆಗೆಟಿವ್ ಬೆಳವಣಿಗೆ ನಿರೀಕ್ಷೆ.
* ಶಿಪ್ ಮೆಂಟ್ ನಂತರದ ಮತ್ತು ಪೂರ್ವದ ಗರಿಷ್ಠ ಸಾಲದ ಅವಧಿ ಹನ್ನೆರಡು ತಿಂಗಳಿಂದ ಹದಿನೈದು ತಿಂಗಳಿಗೆ ಏರಿಕೆ.
* EXIM ಬ್ಯಾಂಕ್ ಗೆ ಆರ್ ಬಿಐನಿಂದ 15 ಸಾವಿರ ಕೋಟಿ ರುಪಾಯಿ.
* ಬ್ಯಾಂಕ್ ಗಳು ಗುಂಪು ಎಕ್ಸ್ ಪೋಷರ್ ಮಿತಿ ಈವರೆಗೆ ಇದ್ದ 25 ಪರ್ಸೆಂಟ್ ನಿಂದ 30 ಪರ್ಸೆಂಟ್ ಗೆ ಏರಿಕೆ.
* ಕಾರ್ಯ ನಿರ್ವಹಣೆ ಬಂಡವಾಳ (ವರ್ಕಿಂಗ್ ಕ್ಯಾಪಿಟಲ್) ಆಗಿ ಪಡೆದ ಮೊತ್ತವನ್ನು ಟರ್ಮ್ ಲೋನ್ ಆಗಿ ಬದಲಾಯಿಸಿ, ಮರುಪಾವತಿಗೆ 2021ರ ಮಾರ್ಚ್ ತನಕ ಅವಕಾಶ.
* ಬೇಳೆಕಾಳುಗಳ ಬೆಲೆಯಲ್ಲಿನ ಏರಿಕೆ ಆತಂಕಕ್ಕೆ ಕಾರಣವಾಗಿದೆ. ಮುಕ್ತ ಮಾರುಕಟ್ಟೆಯಲ್ಲಿ ಕೂಡಲೇ ಮಾರಾಟ ಶುರು ಮಾಡುವುದರಿಂದ ದ್ವಿದಳ ಧಾನ್ಯಗಳ ಬೆಲೆಯಲ್ಲಿ ಇಳಿಕೆ.
* ಆಮದು- ರಫ್ತು ವ್ಯವಹಾರಕ್ಕೂ ಪೂರಕವಾದ ಘೋಷಣೆಗಳು.
source: goodreturns.in
Disclaimer
This story is auto-aggregated by a computer program and has not been created or edited by Dailyhunt Publisher: OneIndia Kannada