Jio નો ધમાકો, બજારમાં લાવશે આટલો સસ્તો ફોન અને એ પણ 5G

રિલાયન્સ જિઓના એક અધિકારીએ કહ્યું છે કે તેમની કંપની 5 જી સ્માર્ટફોન 5000 રૂપિયાથી નીચેના ભાવે આપવાની યોજના બનાવી રહી છે, અને તે વધુ વેચાણ થવા પર 2500-3000 હજાર રૂપિયા થઈ જશે. કંપની આ પહેલ હેઠળ હાલમાં 2 જી કનેક્શંસનો ઉપયોગ કરી રહેલા 200-30 મિલિયન મોબાઇલ વપરાશકર્તાઓને લલચાવવાનો પ્રયાસ કરશે. કંપનીના એક અધિકારીએ નામ ન આપવાની શરતે ન્યુઝ ચેનલ ને જણાવ્યું હતું કે, જિયો ફોન ની કિંમત 5000 રૂપિયાથી નીચે રાખવા માંગે છે.વેચાણ વધતા તેની કિંમત ઘટી શકે છે.

રિલાયન્સ જિઓએ આ અંગે કોઈ સત્તાવાર નિવેદન આપ્યું નથી. હાલમાં ભારતમાં મળતા 5 જી સ્માર્ટફોનની કિંમત 27,000 રૂપિયાથી શરૂ થાય છે. Jio એ પહેલી કંપની છે જેણે ભારતમાં ગ્રાહકોને મફતમાં 4G મોબાઇલ ફોન ઓફર કરે છે.

આ અંતર્ગત જિઓ ફોન માટે 1,500 રૂપિયાની ચુકવણી કરવામાં આવી હતી, જે પછીથી પરત મળી શકે છે.

રિલાયન્સ ઇન્ડસ્ટ્રીઝના અધ્યક્ષ અને મેનેજિંગ ડિરેક્ટર મુકેશ અંબાણીએ ભારતને 2 જી મુક્ત બનાવવા માટે કંપનીની 43મી વાર્ષિક સામાન્ય સભામા સસ્તા 5 જી સ્માર્ટફોનની જરૂરિયાત પર ભાર મૂક્યો હતો. કંપની તેના 5 જી નેટવર્ક સાધનો પર પણ કામ કરી રહી છે અને ડીઓટીને આ ઉત્પાદનોના પરીક્ષણ માટે સ્પેક્ટ્રમ ફાળવવા કહ્યું છે.

જુલાઈ મહિનામાં રિલાયન્સ જિયો નવા સબ્સ્ક્રાઇબર્સ જોડવામાં આગળ હતી.ટ્રાઇ દ્વારા જાહેર કરાયેલા આંકડા મુજબ, રિલાયન્સ જિઓએ મહિના દરમિયાન 35.54 લાખ નવા ગ્રાહકો વધાર્યા છે. આ વધારા સાથે જિઓના કુલ ગ્રાહકોની સંખ્યા 400 મિલિયનને વટાવી ગઈ છે.