Good News: ಉದ್ಯೋಗಿಗಳ ವೇತನದಲ್ಲಿ ʼ10%ವರೆಗೆ ಹೆಚ್ಚಳʼ, ಈ ಜನರಿಗೆ ಸಿಗಲಿದೆ ಸಾಕಷ್ಟು ಪ್ರಯೋಜನ..!

ನವದೆಹಲಿ: ದೇಶದಲ್ಲಿ ಕೊರೊನಾ, ಲಾಕ್‌ ಡೌನ್‌ ಸಂಕಷ್ಟದಲ್ಲಿ ಸಾಕಷ್ಟು ಜನ ಉದ್ಯೋಗ ಕಳೆದುಕೊಂಡು ಸಂಕಷ್ಟದಲ್ಲಿದ್ದಾರೆ. ಈ ಮಧ್ಯೆ ದೇಶದಲ್ಲಿ ಕೊರೊನಾದ 2ನೇ ಅಲೆಯೂ ಶುರುವಾಗಿದೆ. ಆದ್ರೆ, ಸದ್ಯ ಈ ಜೀನಿಯಸ್ ಕನ್ಸಲ್ಟೆಂಟ್ಸ್ ನಡೆಸಿದ ಸಮೀಕ್ಷೆಯು ನೌಕರರಿಗೆ ಸಂತಸದ ಸುದ್ದಿಯನ್ನ ನೀಡಿದೆ. ಹೌದು, ಈ ಸಮೀಕ್ಷಾ ವರದಿಯ ಪ್ರಕಾರ, ಕಂಪನಿಗಳು ತಮ್ಮ ಉದ್ಯೋಗಿಗಳ ವೇತನವನ್ನ ಹೆಚ್ಚಿಸುವ ಮನಸ್ಥಿತಿಯಲ್ಲಿವೆ. ಈ ಹೆಚ್ಚಳವು 5 ರಿಂದ 10 ಪ್ರತಿಶತದವರೆಗೆ ಇರಬಹುದು ಎಂದಿದೆ.

ಈ ಸಮೀಕ್ಷೆಯು 1200 ಕಂಪನಿಗಳನ್ನ ಒಳಗೊಂಡಿದೆ..!
ಜೀನಿಯಸ್ ಕನ್ಸಲ್ಟೆಂಟ್ಸ್ ಸಮೀಕ್ಷೆಯು ದೇಶಾದ್ಯಂತ 1200 ಕಂಪನಿಗಳನ್ನ ಒಳಗೊಂಡಿದೆ. ಅವುಗಳಲ್ಲಿ ಅರ್ಧಕ್ಕಿಂತ ಹೆಚ್ಚು ಕಂಪನಿಗಳು ತಮ್ಮ ಉದ್ಯೋಗಿಯ ವೇತನವನ್ನ ಹೆಚ್ಚಿಸುವ ಪರವಾಗಿವೆ.

59% ಕಂಪನಿಗಳು ಉದ್ಯೋಗಿಗಳ ಸಂಬಳವನ್ನ ಹೆಚ್ಚಿಸುವ ಮನಸ್ಥಿತಿಯಲ್ಲಿವೆ ಎಂದು ತಿಳಿಸಿವೆ.

ಕಂಪನಿಯ ಶೇಕಡಾ 20ರಷ್ಟು ಜನರು ಈ ಸಮೀಕ್ಷೆಯಲ್ಲಿ ಇದನ್ನ ಹೇಳಿದ್ದಾರೆ. ಕಂಪನಿಯ ಶೇಕಡಾ 20ರಷ್ಟು ಜನರು ಸಂಬಳವನ್ನ ಹೆಚ್ಚಿಸುವುದಾಗಿ ಹೇಳುತ್ತಾರೆ. ಆದ್ರೆ, ಅದು 5% ಕ್ಕಿಂತ ಕಡಿಮೆ. ಆದ್ರೆ 21% ಕಂಪನಿಗಳು 2021 ರಲ್ಲಿ ಸಂಬಳವನ್ನ ಹೆಚ್ಚಿಸುವುದಿಲ್ಲ ಎಂದಿದೆ.

ಫ್ರೆಶರ್ʼಗೆ ಅವಕಾಶವೂ ಸಿಗುತ್ತದೆ..!
43 ಪ್ರತಿಶತ ಕಂಪನಿಗಳು ಫ್ರೆಶರ್ಸ್ʼಗೆ ಅವಕಾಶ ನೀಡಲು ಬಯಸುವುದಾಗಿ ಹೇಳುತ್ತವೆ. ಮತ್ತೊಂದೆಡೆ, ಶೇಕಡಾ 41ರಷ್ಟು ಕಂಪನಿಗಳು ಬದಲಿ ನೇಮಕಾತಿ ಅಥವಾ ಅನುಭವಿ ಉದ್ಯೋಗಿಗಳಿಗೆ ಉದ್ಯೋಗಗಳನ್ನ ಒದಗಿಸಲು ಯೋಜಿಸಿವೆ.

ಈ ಕಂಪನಿಗಳನ್ನ ಸಮೀಕ್ಷೆಯಲ್ಲಿ ಸೇರಿಸಲಾಗಿದೆ..!
ಜೀನಿಯಸ್ ಕನ್ಸಲ್ಟೆಂಟ್ಸ್ʼನಲ್ಲಿ ಬ್ಯಾಂಕಿಂಗ್ ಮತ್ತು ಹಣಕಾಸು, ನಿರ್ಮಾಣ ಮತ್ತು ಎಂಜಿನಿಯರಿಂಗ್, ಶಿಕ್ಷಣ, ಲಾಜಿಸ್ಟಿಕ್ಸ್ ಹಾಸ್ಪಿಟಾಲಿಟಿ, ಮೀಡಿಯಾ, ಫಾರ್ಮಾ, ಮೆಡಿಕಲ್, ಪವರ್ ಅಂಡ್ ಎನರ್ಜಿ, ರಿಯಲ್ ಎಸ್ಟೇಟ್ ಸೇರಿದಂತೆ ಎಚ್ ಆರ್, ಐಟಿ, ಐಟಿಇಎಸ್, ಬಿಪಿಒ ನಂತಹ ಕಂಪನಿಗಳು ಸೇರಿವೆ.

ಕಂಪನಿಗಳು ಬಜೆಟ್ ಹೆಚ್ಚಿಸುತ್ತವೆ..!
ಆರ್ಥಿಕ ಚಟುವಟಿಕೆಯಲ್ಲಿ ನಿರೀಕ್ಷಿತ ಸುಧಾರಣೆಗಳು, ಗ್ರಾಹಕರ ವಿಶ್ವಾಸ ಹೆಚ್ಚಳ ಮತ್ತು ಉತ್ತಮ ಅಂಚುಗಳಿಂದಾಗಿ ಕಂಪನಿಗಳು ವೇತನ ಹೆಚ್ಚಳಕ್ಕಾಗಿ ತಮ್ಮ ಬಜೆಟ್ʼಗಳನ್ನು ಹೆಚ್ಚಿಸಿವೆ. ಫಲಿತಾಂಶಗಳ ಪ್ರಕಾರ, 2020ರಲ್ಲಿ ಕೇವಲ 12 ಪ್ರತಿಶತಕ್ಕೆ ಹೋಲಿಸಿದರೆ, 20 ಪ್ರತಿಶತ ಕಂಪನಿಗಳು ಈ ವರ್ಷ ಎರಡಂಕಿಯ ವೇತನ ಹೆಚ್ಚಳವನ್ನ ಯೋಜಿಸಿವೆ.