ಕಳೆದ ಎರಡು-ಮೂರು ದಿನಗಳಿಂದ ಪಿಂಕ್ ವಾಟ್ಸ್ಆಯಪ್ ಎಂಬ ಶಬ್ದ ಪದೇಪದೆ ಕಿವಿಗೆ ಬೀಳುತ್ತಲೇ ಇದೆ. ವಾಟ್ಸ್ಆಯಪ್ ಬಳಕೆದಾರರಿಗೆ ಲಿಂಕ್ವೊಂದು ಬರುತ್ತಿದ್ದು, ಅದನ್ನು ಕ್ಲಿಕ್ ಮಾಡಿದವರ ಫೋನ್ಗೆ ವೈರಸ್ ಅಟ್ಯಾಕ್ ಆಗಿ, ಹ್ಯಾಕ್ ಆಗುತ್ತಿದೆ…! ಇದು ವಾಟ್ಸ್ಆಯಪ್ನ ಹೊಸ ವರ್ಶನ್. ಪಿಂಕ್ ಟ್ರೇಡ್ಮಾರ್ಕ್ ಹೊಂದಿದೆ. ಇದರಲ್ಲೂ ಸಹ ಮೆಸೇಜ್, ಚಾಟ್ ಮಾಡಬಹುದು. ಇನ್ನು ಪಿಂಕ್ ವಾಟ್ಸ್ಆಯಪ್ನಲ್ಲಿ ಹಲವು ರೀತಿಯ ವೈಶಿಷ್ಟ್ಯಗಳಿವೆ ಎಂಬ ಸಂದೇಶಗಳೊಂದಿಗೆ ಲಿಂಕ್ವೊಂದು ವಾಟ್ಸ್ಆಯಪ್ಗೆ ಬರುತ್ತಿದೆ. ಇದು ಹೆಚ್ಚಾಗಿ ಗ್ರೂಪ್ಗಳಲ್ಲಿ ಬರುತ್ತಿದ್ದು, ಸಹಜವೆಂಬಂತೇ ಜನರು ಕ್ಲಿಕ್ ಮಾಡಿ ಪೇಚಿಗೆ ಸಿಲುಕುತ್ತಿದ್ದಾರೆ.
ಫೋನ್ಗಳನ್ನು ಹ್ಯಾಕ್ ಮಾಡಲು ಇಂಥ ಲಿಂಕ್ಗಳನ್ನು ಕಳಿಸಿ ಗಿಮಿಕ್ ಮಾಡುವುದು ಹಳೇ ವಿಧಾನ.
ಅಂತರ್ಜಾಲ ಭದ್ರತಾ ಸಂಶೋಧಕ ರಾಜಶೇಖರ್ ರಾಜಹರಿಯಾ ಈ ಬಗ್ಗೆ ಟ್ವೀಟ್ ಮಾಡಿದ್ದು, ವಾಟ್ಸ್ಆಯಪ್ ಪಿಂಕ್ ಬಗ್ಗೆ ಎಚ್ಚರಿಕೆಯಿಂದ ಇರಿ. ಪಿಂಕ್ ವಾಟ್ಸ್ಆಯಪ್ ಹೆಸರಲ್ಲಿ ವೈರಸ್ ಹರಿದಾಡುತ್ತಿದೆ. ಈ ಲಿಂಕ್ ಕ್ಲಿಕ್ ಮಾಡಿದರೆ ನಿಮ್ಮ ಮೊಬೈಲ್ನಲ್ಲಿರುವ ಎಲ್ಲವನ್ನೂ ಕಳೆದುಕೊಳ್ಳುತ್ತೀರಿ. ಹ್ಯಾಕ್ ಆಗುತ್ತದೆ ಎಂದಿದ್ದಾರೆ.
ಪಿಂಕ್ ವಾಟ್ಸ್ಆಯಪ್ ಲಿಂಕ್ ಮೇಲೆ ಕ್ಲಿಕ್ ಮಾಡಿದರೆ ಒಂದು ಎಪಿಕೆ ಆಯಪ್ ಡೌನ್ಲೋಡ್ ಆಗಿ, ನಮ್ಮ ಇಡೀ ಮೊಬೈಲ್ ಹ್ಯಾಕ್ ಆಗುತ್ತದೆ. ಹಾಗಾಗಿ ಅಧಿಕೃತ ಆಯಪ್ ಸ್ಟೋರ್ ಆಗಿರುವ ಗೂಗಲ್ ಅಥವಾ ಆಯಪಲ್ ಆಯಪ್ಸ್ಟೋರ್ಗಳಲ್ಲಿ ಇರುವ ಆಯಪ್ಗಳನ್ನು ಮಾತ್ರ ಡೌನ್ಲೋಡ್ ಮಾಡಿಕೊಳ್ಳಬೇಕು. ಉಳಿದಂತೆ ಯಾವುದೇ ಲಿಂಕ್ ಮೂಲಕ ಹೋಗಿ ಆಯಪ್ಗಳನ್ನು ಡೌನ್ಲೋಡ್ ಮಾಡಿಕೊಳ್ಳಬಾರದು ಎಂದು ಟೆಕ್ ತಜ್ಞರು ಹೇಳಿದ್ದಾರೆ. ಫೋನ್ನಲ್ಲಿರುವ ವೈಯಕ್ತಿಕ ಡಾಟಾ ಕದಿಯಲು ಇಂಥ ಲಿಂಕ್ಗಳನ್ನು ಬಳಕೆ ಮಾಡಲಾಗುತ್ತದೆ. ಬ್ಯಾಂಕಿಂಗ್ ವ್ಯವಹಾರಕ್ಕೆ ಸಂಬಂಧಪಟ್ಟ ಪಾಸ್ವರ್ಡ್ಗಳೂ ಹ್ಯಾಕರ್ಗಳ ಪಾಲಾಗುತ್ತವೆ ಎಂದು ಎಚ್ಚರಿಕೆ ನೀಡಿದ್ದಾರೆ. ಇದೀಗ ವಾಟ್ಸ್ಆಯಪ್ ಪಿಂಕ್ ಅಥವಾ ವಾಟ್ಸ್ಆಯಪ್ ಗೋಲ್ಡ್ ಕೂಡ ಹ್ಯಾಕರ್ಗಳ ಇನ್ನೊಂದು ಗಿಮಿಕ್ ಆಗಿದ್ದು, ಫೇಕ್ ಫೀಚರ್ ಆಗಿದೆ. ಈ ಲಿಂಕ್ ಬಂದರೆ ಇಗ್ನೋರ್ ಮಾಡಿ. ಡಿಲೀಟ್ ಮಾಡಿಬಿಡಿ ಎಂದು ಸಲಹೆ ನೀಡಿದ್ದಾರೆ.
ಇದನ್ನೂ ಓದಿ: ತೀವ್ರ ಹಲ್ಲೆಗೊಳಗಾದ ಸರಗಳ್ಳ ನಿಮಾನ್ಸ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಿಸದೇ ಸಾವು
ಕೊಲ್ಕತ್ತಾದಲ್ಲಿ ಮಮತಾ ಬ್ಯಾನರ್ಜಿ ಚುನಾವಣಾ ಪ್ರಚಾರ ಮಾಡಲ್ಲ, ಇತರ ಜಿಲ್ಲೆಗಳಲ್ಲಿ ಕೇವಲ 30 ನಿಮಿಷ ನಡೆಯಲಿದೆ ಪ್ರಚಾರ
World Liver Day 2021: ಲಿವರ್ ಆರೋಗ್ಯವನ್ನು ಕಾಪಾಡಿಕೊಳ್ಳುವುದು ಹೇಗೆ?
The post ವಾಟ್ಸ್ಆಯಪ್ ಪಿಂಕ್ ಲಿಂಕ್ ನಿಮ್ಮ ಮೊಬೈಲ್ಗೂ ಬರಬಹುದು ಎಚ್ಚರ..; ಹಾಗೊಮ್ಮೆ ಲಿಂಕ್ ಬಂದರೆ ನೀವೇನು ಮಾಡ್ಬೇಕು? appeared first on TV9 Kannada.
Disclaimer
This story is auto-aggregated by a computer program and has not been created or edited by Dailyhunt Publisher: TV9 Kannada