ಇನ್ನೂ ಪ್ಯಾನ್​ ಕಾರ್ಡ್ ಹೊಂದಿಲ್ಲವಾ? ಆನ್​ಲೈನ್ ಮೂಲಕ ಸಿಂಪಲ್​ ಆಗಿ ಹೇಗೆ ಪ್ಯಾನ್ ಕಾರ್ಡ್ ಪಡೆಯಬಹುದು ಎಂಬ ಮಾಹಿತಿ ಇಲ್ಲಿದೆ ನೋಡಿ

ದೆಹಲಿ: ಪ್ಯಾನ್​ ಕಾರ್ಡ್​ ದಿನೇದಿನೆ ಅತ್ಯವಶ್ಯವಾಗುತ್ತಿದೆ. ಬ್ಯಾಂಕಿಂಗ್ ವ್ಯವಹಾರ, ಟ್ಯಾಕ್ಸ್ ತುಂಬುವುದು ಸೇರಿ ದಿನನಿತ್ಯದ ವ್ಯವಹಾರಗಳಿಗೆ ಈ ಶಾಶ್ವತ ಖಾತೆ ಸಂಖ್ಯೆಯ ಕಾರ್ಡ್​ (PAN CARD) ಬೇಕೇಬೇಕು. ಬ್ಯಾಂಕ್​​ಗಳಲ್ಲಿ 50 ಸಾವಿರ ರೂಪಾಯಿಗೂ ಹೆಚ್ಚಿನ ವ್ಯವಹಾರ ಮಾಡಲು ಈ ಪ್ಯಾನ್​ ಸಂಖ್ಯೆ ಬೇಕೇಬೇಕು. ಹೀಗಾಗಿ ಪ್ರತಿಯೊಬ್ಬರೂ ಪ್ಯಾನ್​ ಕಾರ್ಡ್ ಹೊಂದಿರುವುದು ಕಡ್ಡಾಯ. ಈಗ ನೀವು ಪ್ಯಾನ್ ಕಾರ್ಡ್ ಪಡೆಯಲು ಸಂಬಂಧಪಟ್ಟ ಕೇಂದ್ರಗಳಿಗೆ ಹೋಗಬೇಕು ಎಂದೇನೂ ಇಲ್ಲ. ಆನ್​ಲೈನ್ ಮೂಲಕ, ಆಧಾರ್​ ನಂಬರ್ ಬಳಸಿ ಇ-ಪ್ಯಾನ್​ ಪಡೆಯಬಹುದು. ಹೀಗೆ ಇ-ಪ್ಯಾನ್​ ಪಡೆಯಲು ನವು ನಿಮ್ಮ ಆಧಾರ್ ಕಾರ್ಡ್ ನಂಬರ್​ ನೀಡಿದರೆ ಸಾಕು. ಯಾವುದೇ ಅರ್ಜಿ ಸಲ್ಲಿಸಲು ಯಾವುದೇ ಶುಲ್ಕ ನೀಡಬೇಕಾಗಿಲ್ಲ.

ಆನ್​ಲೈನ್ ಮೂಲಕ ಪ್ಯಾನ್ ಕಾರ್ಡ್ ಪಡೆಯಲು ಈ ಕ್ರಮಗಳನ್ನು ಅನುಸರಿಸಿ:

• ಆದಾಯ ತೆರಿಗೆ ಇಲಾಖೆಯ ಇ-ಫೈಲಿಂಗ್​​ (e-filing) ವೆಬ್​​ಸೈಟ್ www.incometaxindiaefiling.gov.in. ಗೆ ಭೇಟಿ ನೀಡಿ.
• ಹೋಂ ಪೇಜ್​​ನಲ್ಲಿರುವ ಕ್ವಿಕ್​ ಲಿಂಕ್​ ಸೆಕ್ಷನ್ (Quick Links)​ಗೆ ಹೋಗಿ Instant PAN through Aadhaar ಎಂಬಲ್ಲಿ ಕ್ಲಿಕ್​ ಮಾಡಿ.
• ನಂತರ Get New PAN ಎಂಬ ಲಿಂಕ್​ ಮೇಲೆ ಕ್ಲಿಕ್​ ಮಾಡಿ. ಆಗ ನೀವು ಇನ್​ಸ್ಟಂಟ್​ ಪ್ಯಾನ್​ ರಿಕ್ವೆಸ್ಟ್ ವೆಬ್​ಪೇಜ್​ಗೆ ಹೋಗುತ್ತೀರಿ.
• ಅಲ್ಲಿ ನಿಮ್ಮ ಆಧಾರ್ ನಂಬರ್ ಮತ್ತು captcha code ನಮೂದಿಸುವ ಮೂಲಕ ದೃಢೀಕರಿಸಿ
• ನಂತರ ಒಟಿಪಿಗಾಗಿ ಕ್ಲಿಕ್ ಮಾಡಿ. ಆಗ ನಿಮ್ಮ ರಿಜಿಸ್ಟರ್ ಮೊಬೈಲ್ ನಂಬರ್​ಗೆ ಒಟಿಪಿ ಬರುತ್ತದೆ
• ಅಲ್ಲಿ ಕಾಣಿಸುತ್ತಿರುವ ಬಾಕ್ಸ್​​ನಲ್ಲಿ ಒಟಿಪಿ ನಮೂದಿಸಿ ಬಳಿಕ Validate Aadhaar OTP ಎಂಬಲ್ಲಿ ಕ್ಲಿಕ್​ ಮಾಡಿ. ಕಂಟಿನ್ಯೂ ಮಾಡಿ.
• ಆಗ ಪ್ಯಾನ್​ ರಿಕ್ವೆಸ್ಟ್ ಸಲ್ಲಿಕೆಯ ಪೇಜ್​ಗೆ ಮರುನಿರ್ದೇಶನ ಆಗುತ್ತದೆ. ಅಲ್ಲಿ ಕೂಡ ಆಧಾರ್​ ನಂಬರ್​ ನಮೂದಿಸಿ ನಿಯಮಗಳು ಮತ್ತು ಷರತ್ತುಗಳನ್ನು ಸ್ವೀಕರಿಸಿ.
• ಅದಾದ ಬಳಿಕ ಪ್ಯಾನ್​ ರಿಕ್ವೆಸ್ಟ್ ಸಲ್ಲಿಸಿ
• ಇಷ್ಟೆಲ್ಲ ಆದ ಮೇಲೆ ದಾಖಲಾತಿ ಸಂಖ್ಯೆ ಸಿಗುತ್ತದೆ

ಡೌನ್​ಲೋಡ್​ ಮಾಡಿಕೊಳ್ಳುವುದು ಹೇಗೆ?

ಇ-ಫೈಲಿಂಗ್​ ವೆಬ್​ಸೈಟ್​ಗೆ ಹೋಗಿ Instant PAN through Aadhaar ಎಂಬಲ್ಲಿ ಕ್ಲಿಕ್ ಮಾಡಿ. ನಂತರ Check Status / Download PAN ಮೇಲೆ ಕ್ಲಿಕ್​ ಮಾಡಿ. ಇಲ್ಲಿ ನಿಮ್ಮ ಆಧಾರ್ ನಂಬರ್​ ಮತ್ತು captcha code ಹಾಕಿ. ನಂತರ ಪಾನ್​ ಕಾರ್ಡ್​ ಡೌನ್​ಲೋಡ್ ಮಾಡಿಕೊಳ್ಳಬಹುದು.

ಇದನ್ನೂ ಓದಿ: ಪ್ಯಾನ್ ಕಾರ್ಡ್​-ಆಧಾರ್​ ಕಾರ್ಡ್ ಲಿಂಕ್ ಮಾಡುವ ಗಡುವು ಮತ್ತೆ ವಿಸ್ತರಣೆ: ಜೂನ್ 30ರವರೆಗೆ ಅವಕಾಶ

ಲಿಂಕ್ ಆಗದ ಆಧಾರ್​-ಪಾನ್ ಕಾರ್ಡ್​ಗಳು​; ಸೋಷಿಯಲ್​ ಮೀಡಿಯಾದಲ್ಲಿ ವೈರಲ್​ ಆದ ಫನ್ನಿ ಪೋಸ್ಟ್​ಗಳು

The post ಇನ್ನೂ ಪ್ಯಾನ್​ ಕಾರ್ಡ್ ಹೊಂದಿಲ್ಲವಾ? ಆನ್​ಲೈನ್ ಮೂಲಕ ಸಿಂಪಲ್​ ಆಗಿ ಹೇಗೆ ಪ್ಯಾನ್ ಕಾರ್ಡ್ ಪಡೆಯಬಹುದು ಎಂಬ ಮಾಹಿತಿ ಇಲ್ಲಿದೆ ನೋಡಿ appeared first on TV9 Kannada.