ಡಿಜಿಟಲ್ ಡೆಸ್ಕ್ : ಇಂದಿನ ಕಾಲದಲ್ಲಿ ದೇಶದ ಪ್ರತಿಯೊಬ್ಬ ನಾಗರಿಕರಿಗೂ ಆಧಾರ್ (Aadhar ) ಒಂದು ಪ್ರಮುಖ ದಾಖಲೆಯಾಗಿದೆ. ಆಧಾರ್ ಇಲ್ಲದೆ, ನಿಮ್ಮ ಹೆಚ್ಚಿನ ಕೆಲಸವನ್ನ ಮಾಡಲು ಸಾಧ್ಯವಿಲ್ಲ. ಈಗ ಪ್ರತಿ ಸಣ್ಣ ಮತ್ತು ದೊಡ್ಡ ಕೆಲಸಗಳಿಗೆ ಆಧಾರ್ ಕಾರ್ಡ್ ಅಗತ್ಯವಿದೆ.
ಮೊಬೈಲ್ ಸಂಖ್ಯೆ ( Mobile Number ) ನವೀಕರಣವಿಲ್ಲದೆ, ಆಧಾರ್ನ ಹಲವು ಸೌಲಭ್ಯಗಳ ಲಾಭವನ್ನ ಪಡೆಯಲು ನಿಮಗೆ ಸಾಧ್ಯವಾಗುವುದಿಲ್ಲ. ಇನ್ನು ನಿಮ್ಮ ಆಧಾರ್ ಕಾರ್ಡ್ ಗೆ ( Aadhar Card ) ನೀಡಿದ ಸಂಖ್ಯೆ ಕ್ಲೋಸ್ ಆಗಿದ್ರೆ ಚಿಂತಿಸ್ಮೇಡಿ. ನಿಮ್ಮ ಮೊಬೈಲ್ ಸಂಖ್ಯೆಯನ್ನು ಆಧಾರ್ನಲ್ಲಿ ಹೇಗೆ ಸುಲಭವಾಗಿ ನವೀಕರಿಸಬಹುದು ಅನ್ನೋದನ್ನ ಟ್ವೀಟ್ ಮಾಡುವ ಮೂಲಕ ಯುಐಡಿಎಐ ತಿಳಿಸಿದೆ. ಇನ್ನು ಈ ಮೊಬೈಲ್ ಸಂಖ್ಯೆಯನ್ನ ನವೀಕರಿಸಲು ಯಾವುದೇ ದಾಖಲೆಗಳ ಅಗತ್ಯವಿಲ್ಲ ಎಂದು ಅದು ಹೇಳಿದೆ.
>> ಆಧಾರ್ ಕಾರ್ಡ್ನಲ್ಲಿ ಮೊಬೈಲ್ ಸಂಖ್ಯೆಯನ್ನು ನವೀಕರಿಸಲು, ನೀವು ನಿಮ್ಮ ಹತ್ತಿರದ ಆಧಾರ್ ಕೇಂದ್ರಕ್ಕೆ ಹೋಗಬೇಕು.
>> ನಿಮ್ಮ ಆಧಾರ್ ಕಾರ್ಡ್ʼನ್ನ ನಿಮ್ಮೊಂದಿಗೆ ಆಧಾರ್ ಕೇಂದ್ರಕ್ಕೆ ತೆಗೆದುಕೊಳ್ಳಬೇಕು. ಅಲ್ಲಿಗೆ ಹೋದ ನಂತರ, ನೀವು ಮೊಬೈಲ್ ಸಂಖ್ಯೆಯನ್ನ ಸೇರಿಸಿ ಮತ್ತು ನವೀಕರಿಸಿ ಆಯ್ಕೆಯನ್ನ ಆರಿಸಬೇಕಾಗುತ್ತದೆ. ಇದಕ್ಕಾಗಿ ನೀವು 50 ರೂಪಾಯಿಗಳನ್ನು ಪಾವತಿಸಬೇಕಾಗುತ್ತದೆ.
>> ಇದರ ನಂತರ, ಕಾರ್ಯನಿರ್ವಾಹಕರಿಂದ ನಿಮಗೆ ರಶೀದಿ ನೀಡಲಾಗುತ್ತೆ. ಅಮೇಲೆ ನೀವು ವಿನಂತಿಯ ಸಂಖ್ಯೆಯನ್ನ ಪಡೆಯುತ್ತೀರಿ ಅಂದರೆ ಯುಆರ್ಎನ್(URN).
>> ಯುಆರ್ಎನ್ ಬಳಸಿ ನಿಮ್ಮ ನವೀಕರಣ ಸ್ಥಿತಿಯನ್ನ ಸಹ ನೀವು ಪರಿಶೀಲಿಸಬಹುದು.
* ಇನ್ನು ನೀವು ನಿಮ್ಮ ಹತ್ತಿರದ ಆಧಾರ್ ಕೇಂದ್ರದ ಮಾಹಿತಿಗಾಗಿ ನೀವು 1947 ಗೆ ಕರೆ ಮಾಡಬಹುದು. ಇನ್ನು ಸಂಖ್ಯೆ ನವೀಕರಣಕ್ಕಾಗಿ ನೀವು ಕಳುಹಿಸಿದ ವಿನಂತಿಯ ಸ್ಥಿತಿ ಏನು ಅನ್ನೋದನ್ನ ಸಹ ನೀವು ತಿಳಿಯಬಹುದು.
* ಇದಲ್ಲದೆ, ಈ ಲಿಂಕ್ https://resident.uidai.gov.in/ ಕ್ಲಿಕ್ ಮಾಡುವ ಮೂಲಕ ನೀವು ಸ್ಥಿತಿ ಮಾಹಿತಿಯನ್ನು ಪಡೆಯಬಹುದು.
Disclaimer
This story is auto-aggregated by a computer program and has not been created or edited by Dailyhunt Publisher: Kannada News Now