દિવાળી પહેલા કેન્દ્ર સરકાર સરકારી કર્મચારીઓને વધુ એક ભેટ આપવા જઈ રહી છે. કેન્દ્રીય કર્મચારીઓને પગારમાં ડીએ એરિયર પણ મળશે. તાજેતરમાં જ મોદી સરકારે મોંઘવારી ભથ્થામાં 3 ટકાનો વધારો કરીને 31 ટકા કર્યો છે. નાણા મંત્રાલયે 1 જુલાઈ, 2021 થી વધેલા DA વધારો પણ લાગુ કરી દીધો છે. તે સ્પષ્ટ છે કે ઓક્ટોબરમાં કેન્દ્રીય કર્મચારીઓને પણ કુલ 4 મહિનાનું DAનું એરિયર્સ મળશે.
વધેલા DAની ગણતરી
7મા પગાર પંચ હેઠળ DAમાં વધારો બેઝિક પગારના આધારે કરવામાં આવે છે. DA વધારાથી કેન્દ્ર સરકારના 47 લાખથી વધુ કર્મચારીઓ અને 68.62 લાખ પેન્શનરોને સીધો ફાયદો થશે. સરકારે કહ્યું કે DA અને મોંઘવારી રાહત (DR)ને કારણે સરકારી તિજોરી પર ખર્ચમાં વાર્ષિક રૂ 9,488.70 કરોડનો વધારો થશે. ચાલો આપણે બે અલગ અલગ પગારના આધારે ડીએમાં વધારો સમજીએ.
બેઝિક સેલેરી રૂ 56,900 પર DA
બેઝિક સેલેરી રૂ 18000 પર DA
બીજી વખત મોંઘવારી ભથ્થામાં વધારો
કેન્દ્ર સરકારે જુલાઈ 2021માં મોંઘવારી ભથ્થાનો દર 17 ટકાથી વધારીને 28 ટકા કર્યો હતો. હવે બીજી વખત સરકારે 3 ટકાના વધારા સાથે ડીએનો દર વધારીને 31 ટકા કર્યો છે. DA એ કર્મચારીના બેઝિક સેલેરીનો એક નિશ્ચિત ભાગ છે. દેશમાં મોંઘવારીનો પ્રભાવ ઓછો કરવા માટે સરકાર પોતાના કર્મચારીઓને ડીએ આપે છે. સમયાંતરે તેમાં વધારો કરવામાં આવે છે. પેન્શનરોને આ લાભ મોંઘવારી રાહત તરીકે મળે છે.
Disclaimer
This story is auto-aggregated by a computer program and has not been created or edited by Dailyhunt Publisher: Tv9 Gujarati