11.56 લાખ કર્મચારીઓને મળશે એરિયર્સનો લાભ; પગારમાં 8100 રૂપિયાનો વધારો, જાણો નવા અપડેટ્સ

Last Updated on November 5, 2021 by Vishvesh Dave

કેન્દ્ર સરકારના લાખો કર્મચારીઓના મૂળ પગારની સાથે તેમના મોંઘવારી ભથ્થા (DA)માં 7મા પગાર પંચ હેઠળ 31 ટકાનો વધારો કરવામાં આવ્યો છે. આ સાથે કેન્દ્ર સરકારના કર્મચારીઓના હાઉસ રેન્ટ એલાઉન્સ (HRA)માં પણ વધારો કરવામાં આવ્યો છે.

કેન્દ્ર સરકારના કર્મચારીઓનો સપ્ટેમ્બરનો પગાર હવે ડબલ બોનસ સાથે આવશે. નોંધનીય છે કે નિયમો અનુસાર, એચઆરએમાં વધારો કરવામાં આવ્યો છે કારણ કે DA 25 ટકાથી વધી ગયુ છે. તેથી કેન્દ્ર સરકારે પણ HRA વધારીને 27 ટકા કરવાનો નિર્ણય લીધો છે.

જો કે, હવે 11 લાખ કર્મચારીઓ એચઆરએના બાકી ચૂકવણીની માંગ કરી રહ્યા છે. નાણા મંત્રાલયે 1 જાન્યુઆરી, 2021 થી 11.56 લાખથી વધુ કર્મચારીઓની હાઉસ રેન્ટ એલાઉન્સ (HRA) લાગુ કરવાની માંગ પર વિચાર-મંથન શરૂ કર્યું છે. જો આ મંજૂર થશે તો એરિયર્સ મળવાની સાથે લાખો કર્મચારીઓના એચઆરએમાં પણ વધારો થશે. તેમને દર મહિને આશરે રૂ. 5400 થી રૂ. 8100 નો નફો થશે.

વાસ્તવમાં આ પ્રસ્તાવને મંજૂરી માટે રેલવે બોર્ડને પણ મોકલવામાં આવ્યો છે. ઇન્ડિયન રેલ્વે ટેકનિકલ સુપરવાઇઝર એસોસિએશન (IRTSA) અને નેશનલ ફેડરેશન ઓફ રેલ્વેમેન (NFIR) એ 1 જાન્યુઆરી, 2021 થી HRA લાગુ કરવાની માંગ કરી છે. એજી ઓફિસ બ્રધરહુડના ભૂતપૂર્વ અધ્યક્ષ અને ઓલ ઈન્ડિયા એકાઉન્ટ્સ એન્ડ ઓડિટ કમિટીના જનરલ સેક્રેટરી હરિશંકર તિવારીએ ઉલ્લેખ કર્યો છે કે સાતમા પગાર પંચે તેની ભલામણમાં દરખાસ્ત કરી હતી કે જ્યારે DA 25 ટકાથી વધી જશે ત્યારે HRA પણ વધશે. તેનો દર 8, 16, 24 ટકાથી વધીને 9, 18 અને 27 ટકા થશે.

વધુમાં, તેમના મતે, મોંઘવારી ભથ્થામાં વધારો થવાથી તેમના હાઉસ રેન્ટ એલાઉન્સ (HRA) અને ટ્રાન્સપોર્ટ એલાઉન્સ (TA)માં વધારો થશે. સાતમા પગાર પંચના પે મેટ્રિક્સ મુજબ દરેક સ્તરના કર્મચારીના પગારમાં અલગ-અલગ વધારો થશે.તેમજ તિવારીએ કહ્યું કે જો કોઈ વ્યક્તિનો મૂળ પગાર રૂ. 30000 છે તો તેને લગભગ રૂ.5400 થી રૂ.8100 પ્રતિ મહિનેનો લાભ મળશે. HRA ની ન્યૂનતમ રકમ પ્રતિ માસ 5400 રૂપિયા નક્કી કરવામાં આવી છે, જે આનાથી ઓછી ન હોઈ શકે.

મકાન ભાડું ભથ્થું એ એમ્પ્લોયર દ્વારા કર્મચારીઓને તે શહેરમાં રહેવાના આવાસ ખર્ચ માટે ચૂકવવામાં આવતો પગાર ઘટક છે. એમ્પ્લોયરો પગાર માળખું, પગારની રકમ અને રહેઠાણના શહેર જેવા માપદંડોના આધારે ચૂકવવામાં આવતી HRA રકમ નક્કી કરે છે. કરદાતા તરીકે, કર્મચારી દર વર્ષે આવાસ માટે ભાડા તરીકે ચૂકવવામાં આવતી રકમ પર કર લાભોનો દાવો કરી શકે છે.

• કંપનીનો દાવો / હવે આ દવાથી કોરોનાના દર્દીનું 89 ટકા સુધીનું મોતનું જોખમ ટાળી શકાશે, બજારમાં લોન્ચ કરાઇ ટેબલેટ
• Breaking / મહારાષ્ટ્રના પૂર્વ ગૃહમંત્રીને અનિલ દેશમુખને 14 દિવસની ન્યાયિક કસ્ટડીમાં મોકલાયા, કોર્ટે ફગાવી EDએની માંગ
• રસીકરણની ગતિ ધીમી પડતા જ અહીં કોરોનાનો રાફડો ફાટ્યો, માત્ર એક દિવસમાં જ 1 હજારથી વધુનાં મોત
• Viral Video / વિશાળ કોબ્રાને હાથમાં લઇ ડાન્સ કરતો યુવક, વીડિયો જોઈ લોકોએ આપી અલગ-અલગ પ્રતિક્રિયા
• અવલોકન / વસિયતને લઇ સુપ્રીમ કોર્ટનો મહત્વનો નિર્ણય, જાણો શું છે સમગ્ર કેસ