Big Breaking / અતિવૃષ્ટીને લઈ ગુજરાત સરકારે રાહત પેકેજની કરી જાહેરાત, હેક્ટર દીઠ ખેડૂતોને મળશે 6,800 રૂપિયા

Last Updated on November 30, 2021 by Zainul Ansari

અતિવૃષ્ટીથી થયેલ પાક નુકસાનીને લઇને રાજ્ય સરકારે બીજા તબક્કાના રાહત પેકેજની જાહેરાત કરી છે. જેમાં 9 જિલ્લાના ખેડૂતો માટે રૂપિયા 531 કરોડના રાહત પેકેજની જાહેરાત કરાઇ છે. આ રાહત ખેડૂતોને એસડીઆરએફ અંતર્ગત ચૂકવાશે. જેમાં ખેડૂતોને 2 હેકટરની મર્યાદામાં હેકટર દિઠ રૂપિયા 6800ની સહાયની જાહેરાત કરાઇ છે.

જે માટે 6 ડિસેમ્બરથી 24 ડિસેમ્બરથી પોર્ટલના આધારે અરજી સ્વીકારાશે. અરજી માટે ખેડૂતોએ કોઇપણ પ્રકારની ફી ચૂકવવાની નથી.

આ સહાયનો લાભ અમદાવાદ, બોટાદ, અમરેલી, ભાવનગર, ભરૂચ, જૂનાગઢ, છોટા ઉદેપુર, પંચમહાલ અને વડોદરાના ખેડૂતોને મળશે.

અતિવૃષ્ટી સહાય ૨.૦

• ૯ જિલ્લાના ખેડૂતો માટે ૫૩૧ કરોડના રાહત પેકેજની જાહેરાત
• એસડીઆરએફ અંતર્ગત ચૂકવાશે સહાય
• ૨ હેકટરની મર્યાદામાં હેકટર દીઠ ૬૮૦૦ની સહાય
• ૬ ડિસેમ્બરથી પોર્ટલના આધારે આેનલાઇન અરજી સ્વીકારાશે
• અમદાવાદ, બોટાદ, અમરેલી, ભાવનગર, ભરૂચ, જૂનાગઢ, છોટા ઉદેપુર, પંચમહાલ અને વડોદરાને લાભ મળશે

ચોમાસાના આખરી દિવસોમાં મેઘરાજા મન મૂકીને વરસ્યા હતાં જેના કારણે ખેડૂતોને પાકને નુકશાન થયું હતું. આ અંગે મુખ્યમંત્રી એ સર્વે કરાવ્યો હતો તે પૂર્ણ થયો છે. રાજ્ય સરકારના પ્રવક્તા જીતુ વાઘાણીએ બીજા તબક્કાના રાહત પેકેજની જાહેરાત કરી છે. 9 જિલ્લાના 1530 ગામડાના 5 લાખ જેટલા ખેડૂતો માટે 531 કરોડના રાહત પેકેજની જાહેરાત કરવામાં આવી છે. રાજ્ય સરકારે 1530 ગામોના 5 લાખ જેટલા ખેડૂતોને 7.65 લાખ હેકટરમાં નુકસાનીનું વળતર આપવાનું નક્કી કર્યું છે.

• અફઘાનિસ્તાનને લઈને હવે નવી જંગના મંડાણ, તાલિબાન અને ઈરાનના સુરક્ષા દળો વચ્ચે થયું ઘર્ષણ
• કેન્દ્ર સરકાર શરૂ કરવા જઈ રહી છે 'શ્રેષ્ઠ યોજના', જાણો તેના વિશે અને શું મળશે સુવિધાઓ
• સુરતમાં આપઘાત કરનારા રત્ન કલાકારો માટે સહાયની માંગ, હીરા ઉદ્યોગ દિવાળી બાદ ફરી થયો ધમધમતો
• આેડિસ્સાથી સુરત લાવીને વેચાણ થતું હતું ડ્રગ્સનું, સુરત પોલીસે ગાંજાના રેકેટનો કર્યો પર્દાફાશ
• BREAKING : સરકારે આપી દીધું રેડ એલર્ટ! ઓમીક્રોન લાવી શકે છે ભારતમાં કોરોનાની ત્રીજી લહેર