અતિ અગત્યનું / વાહનના ડોક્યૂમેન્ટ્સ નહી હોય તો ઓટોમેટિક ફાટશે મેમો, માર્ગ પરિવહન મંત્રાલયે શરૂ કરી નવી મુહિમ

Last Updated on January 5, 2022 by Zainul Ansari

દેશમાં તમે કોઈ પણ એક્સપ્રેસ વે પર મુસાફરી કરી રહ્યા છો તો આ સમાચાર તમારા માટે અતિ મહત્વના છે. જેમાં કારના તમામ જરૂરી કાગળ-દસ્તાવેજ અપડેટ રાખવું પડશે. કારના ઈંશ્યોરન્સથી લઈને RC સુધી હોવું જરૂરી છે. જો તમારું વાહન કોમર્શિયલ હોય તો તેનું ફિટનેસ સર્ટિફિકેટ હોવું પણ જરૂરી રહેશે.આવી સ્થિતિમાં વાહન એક્સપ્રેસ વે પર ચઢતાની સાથે જ ટ્રાફિક પોલીસને ખબર પડી જશે કે તમારા વાહન સંબંધિત વસ્તુ માન્ય નથી, ત્યારબાદ તમારું ચલણ આપોઆપ કપાઈ જશે, તે પણ વાહનને રોક્યા વિના.

આ માટે સરકાર ટૂંક સમયમાં કેટલાક એવા નિયમો બનાવવા જઈ રહી છે, જેના સંદર્ભમાં NHAI કેટલાક એક્સપ્રેસ વે પર ટ્રાયલ કરી રહી છે. જો તે હવે એક્સપ્રેસ વે પર ચાલતા દરેક વાહનની સ્થિતિ સરળતાથી જાણી શકાશે.

વાસ્તવમાં દેશના તમામ એક્સપ્રેસ વે અને નેશનલ હાઈવે એડવાન્સ ટ્રાફિક મેનેજમેન્ટ સિસ્ટમ (ATMS)થી સજ્જ થવા જઈ રહ્યા છે. સાથે જ આ સિસ્ટમ દ્વારા ચાલતા વાહનની નંબર પ્લેટથી લઈને વાહનની અંદર બેઠેલી વ્યક્તિએ સીટ બેલ્ટ લગાવ્યો છે કે નહીં તેની પણ માહિતી મેળવી શકાશે. તે પણ સચોટ રીતે શોધી શકાય છે. જોકે તે પણ ફોટા અને વીડિયો સાથે. હાલમાં, હવે પરિવહન વિભાગ (RTO)માં નોંધાયેલા વાહનોના રેકોર્ડને પણ આ સિસ્ટમ સાથે જોડવામાં આવી રહ્યા છે.

ચલણ કાપ્યા બાદ રિકવરી પર પણ નજર રાખશે

જણાવી દઈએ કે આના દ્વારા ચાલતા વાહનના નંબર દ્વારા, સરળતાથી જાણી શકાય છે કે વાહનનો વીમો, તેની આરસી, સીએનજી કીટ પરીક્ષણ પ્રમાણપત્ર માન્ય છે કે નહીં. આ સિવાય દિલ્હી-મેરઠ એક્સપ્રેસ વે, ઈસ્ટર્ન પેરિફેરલ એક્સપ્રેસ વે અને દેશના અન્ય એક્સપ્રેસ વે પર આ સિસ્ટમનો પ્રયાસ કરવામાં આવી રહ્યો છે. તે જ સમયે, NHAI અધિકારીના જણાવ્યા અનુસાર, આ સિસ્ટમ પોતાનામાં ખૂબ જ અદ્યતન હશે. કારણ કે આ સિસ્ટમ તે વાહનોને માર્ક કરશે જેમના દસ્તાવેજો પૂરા નહીં હોય. તે જ સમયે, તેનો ડેટા સ્થાનિક સ્તરે ટ્રાફિક પોલીસ પાસે જશે, જે ચલણ કાપ્યા પછી તેની વસૂલાત પર પણ નજર રાખશે.

ટ્રાફિક પોલીસ પાસે વાહનને રોકી સીમિત તપાસ કરવાના છે અધિકાર

ઉલ્લેખનીય છે કે ટ્રાફિક પોલીસ નેશનલ હાઈવે અને એક્સપ્રેસવેની સાઈડમાં વાહનને રોકી ડોક્યૂમેન્ટ તપાસી શકે છે, પરંતુ ATMS ના સફળ ટ્રાયલ પછી મંત્રાલય નિયમોમાં ફેરફાર કરશે. જોકે તેના પછી ટ્રાફિક પોલીસ પાસે ચાલતા વાહનોને રોકી તપાસ કરવાના અધિકાર સીમિત થઈ જશે. આવી સ્થિતિમાં એક NHAI અધિકારીએ જણાવ્યું કે નિયમોમાં ફેરફાર સામાન્ય લોકોના ફાયદાના હશે. કારણ કે ટ્રાફિક પોલીસ એક્સપ્રેસવે પર એ જ વાહનોને રોકશે, જેના દ્વારા અકસ્માત સર્જાયું હોય અથવા કોઈ ઘટનાને અંજામ આપ્યો હોય. જોકે હવે એક્સપ્રેસવે અને NH પર ચાલતા વાહનોને રોકી ડોક્યૂમેન્ટનની તપાસ નહીં થઈ શકે, જેનાથી રોડ એક્સિડેન્ટ તથા ટ્રાફિકની સમસ્યાથી રાહત મળશે.

નવા એક્સપ્રેસવે પર ATMS ફરજિયાત

માર્ગ અને પરિવહન મંત્રાલયે દેશમાં બની રહેલા તમામ નવા એક્સપ્રેસવે પર ATMSને ફરજિયાત બનાવ્યું છે. આવી સ્થિતિમાં નવા NH માટે પણ તેને ફરજિયાત બનાવ્યું છે. જોકે શરૂઆતમાં ATMSનો ઉપયોગ એક્સપ્રેસવે અને નેશનલ હાઈવે પરના વાહનોના અંતર અનુસાર ફાસ્ટેક દ્વારા ટોલ કાપવા માટે કરવાનું આયોજન હતું, પરંતુ તાજેતરમાં જ NHAI, રોડ ટ્રાન્સપોર્ટ મંત્રાલયના અધિકારીઓની એક બેઠક યોજાઈ હતી, જેમાં એક્સપ્રેસ વે પર લાગતા કેમેરા, નંબર પ્લેટ રીડરની વિશેષતા પર ચર્ચા થઈ, જેમા ટેક્નિકલ ટીમે જણાવ્યું કે તેનાથી ભવિષ્યમાં વાહનના ડેટા પણ લિંક કરી શકાય છે. તેનાથી ચાલતા વાહનની સંપૂર્ણ સ્થિતિ જાણી શકાશે. તેના પછી જ પરિવહન વિભાગના ડેટાને લિંક કરવાની કામગીરી આગળ ધપાવવામાં આવી છે.

દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અનેટેક્નોલોજી સહિતના સમાચાર વાંચો જીએસટીવીની વેબસાઈટ પર, સાથે જ તમારા મોબાઈલ પર તમામ સમાચારમેળવવા માટે અમારી Android App ડાઉનલોડકરો…

• રાજ્યમાં કોરોના સંક્રમણ વધતા મુખ્ય સચિવની અધ્યક્ષતામાં યોજાઇ મહત્વની બેઠક, અપાયો મહત્વનો આદેશ
• પરણવા માટે હરખઘેલો બન્યો યુવક/ સારી કન્યા માટે આખા શહેરમાં લગાવી દીધા હોર્ડીંગ, લગ્ન માટે આવું તિકડમ અપનાવ્યું
• અગત્યનું/ ATM કાર્ડનો ઉપયોગ કરનારાઓ માટે મહત્વની છે આ જાણકારી! પૈસા સાથે જોડાયેલો છે મામલો
• ટેલીવુડમાં સંક્રમણ / એકતા બાદ વધુ ટીવી અભિનેત્રી એરિકા ફર્નાન્ડિઝ થઇ કોરોના સંક્રમિત, ઇન્સ્ટાગ્રામ પર કહ્યું: આ વસ્તુઓ પર બિલકુલ ના કરો વિશ્વાસ
• સસ્તા TV ખરીદવાની શાનદાર ઓફર્સ/ ફક્ત 1 હજાર રૂપિયામાં ખરીદો 32 ઈંચનું સ્માર્ટ ટીવી, જલ્દી કરો આજે છે છેલ્લો દિવસ